નવસારી જિલ્લાના વાંસદા તાલુકામાં એપ્રિલ 26ના રોજ યોજાનારી તાલુકા અને જિલ્લા પંચાયત ચૂંટણીને લઈને રાજકીય માહોલ ગરમાયો છે. આજે કોંગ્રેસ પાર્ટી તરફથી વાંસદા ગામે કુંકણા સમાજની વાડીમાંથી વિશાળ અને ભવ્ય રેલીનું આયોજન કરવામાં આવ્યું હતું, જેમાં હજારોની સંખ્યામાં આદિવાસી ભાઈઓ-બહેનો ઉત્સાહપૂર્વક જોડાયા હતા. ઢોલ-નગારાના તાલે અને પરંપરાગત આદિવાસી વેશભૂષામાં નીકળેલી આ રેલી સમગ્ર વિસ્તારમાં એકતા અને શક્તિનું પ્રતિક બની હતી. 🎶🪘
રેલી કુંકણા સમાજની વાડીમાંથી શરૂ થઈ મામલતદાર કચેરી સુધી પહોંચી હતી, જ્યાં કોંગ્રેસ પક્ષના ઉમેદવારો દ્વારા ઉમેદવારી ફોર્મ ભરવાની પ્રક્રિયા પૂર્ણ કરવામાં આવી. કાર્યક્રમમાં કોંગ્રેસ પાર્ટીના તાલુકા સ્તરના આગેવાનો સાથે હાલના ધારાસભ્ય આનંદભાઈ પટેલ ખાસ હાજર રહ્યા હતા. તેમના આગમનથી કાર્યક્રમમાં વધુ ઉત્સાહ અને ઊર્જાનો સંચાર થયો હતો. 🚩
વાંસદા તાલુકામાંથી નવસારી જિલ્લા પંચાયત સીટ માટે પણ કોંગ્રેસ પાર્ટીના ઉમેદવારોએ સત્તાવાર રીતે પોતાની ઉમેદવારી નોંધાવી. મોટી સંખ્યામાં સમર્થકો સાથે પહોંચેલા ઉમેદવારોના જુસ્સા અને ઉમંગે સ્પષ્ટ સંદેશ આપ્યો કે આ વખતે કોંગ્રેસ મજબૂત સ્થિતિમાં છે.
આદિવાસી સમાજે હંમેશા પોતાની સંસ્કૃતિ, પરંપરા અને એકતાથી વિસ્તારને નવી દિશા આપી છે. આજે પણ તેમની મોટી હાજરીએ સાબિત કરી દીધું કે તેઓ માત્ર મતદારો નથી, પરંતુ વિકાસના સાચા હકદાર અને સમાજના મજબૂત આધારસ્તંભ છે. શિક્ષણ, રોજગાર અને વિકાસના મુદ્દાઓ ઉપર આદિવાસી સમાજ હવે વધુ જાગૃત બન્યો છે અને પોતાનો અવાજ મજબૂતીથી ઉઠાવી રહ્યો છે. 📢
રેલીમાં ઉમટી પડેલા જનસમુદાય અને કાર્યકરોના જુસ્સાને જોતા આવનારી 26 એપ્રિલની ચૂંટણીમાં ભારે રસાકસી રહેવાની શક્યતા વ્યક્ત થઈ રહી છે. રાજકીય વર્તુળોમાં ચર્ચા છે કે આ વખતે કોંગ્રેસનું પલડું ભારે રહી શકે છે. ચૂંટણી નજીક આવતા સમગ્ર આદિવાસી વિસ્તારમાં રાજકીય ચહલપહલ વધી રહી છે અને તમામ પક્ષો પ્રચારમાં જોર લગાવી રહ્યા છે.
આજની ભવ્ય રેલી એ સ્પષ્ટ સંકેત આપી રહી છે કે મતદારો વિકાસ અને વિશ્વાસના મુદ્દા આધારે પોતાનો નિર્ણય લેશે. 🗳️
વાસદા-ડાંગ બ્યુરો ચીફ
